Nú fer hver að verða síðastur...

Leit við á vefmiðlunum. Fólk farið að hamstra vín, því það kemur til með að hækka á laugardaginn, og partý helgarinnar í uppnámi.

http://bb.is/Pages/26?NewsID=123229

Það er skortur víða, las það inn á bb að kirkjugarðinn í Engidal sé orðin rúmlega hálf nýttur. En haft er eftir séra Magnúsi að fólk þurfi ekki að örvænta því nægt pláss sé eftir. Hjúkk það er vist nóg að vínið hækki og jafnvel klárist úr búum fyrir helgi, þó Ísfirðingar missi ekki af leguplássi.

Var satt að segja farin að hafa áhyggjur, gat alveg verið róleg yfir þessu fyrir nokkrum mánuðum það sá fram á að kirkjugarðarnir myndu rúma alla sem nenntu ekki að yfirgefa staðinn í lifandi lífi en dóu drottni sínum hérna á þessum guðsvolaða stað, sem sumir vildu nefna.

þetta kemur allt, þetta kemur...

 

 

Athugasemdir

[Spákonan á Kambinum (IP-tala skráð) 30.10.2008 kl. 18:57]

Hef nú reyndar meiri áhyggjur af vínhækkuninni en plássleysinu í garðinum!!!!

Það má alltaf henda manni á haugana.

[Ragna Jóhanna Magnúsdóttir , 31.10.2008 kl. 00:47]

Það getur ekki nokkur maður hrokkið upp af á þessum síðustu og verstu tímum því það hefur engin lifandi maður efni á því!!

Höldum því áfram að lifa lífinu lifandi því lífið er stutt, dauðinn þess borgun, drekkum í dag, iðrumst á morgun

[Bessa (IP-tala skráð) 2.11.2008 kl. 23:40]

Ég fór bíltúr í gær inn i Engidal, þar er títtnefndur kirkjugarður, og einmitt ýmsir aðrir losunarstaðir úrgangs, við hliðina á kirkjugarðinum er losun fyrir garðaúrgang, og á móti er sorpbrennslan og gámaþjónustan. Svo að ég komst að því að í Engidal er flokkun á því sem ekki er lengur þörf fyrir !!!!