Sunnudagur

Séra Stína í Holti var með kveðjumessu í dag í hausblíðunni. Um 120 manns sótti messuna og kaffið sem önfirsk sóknarbörn sr. Stínu boðuðu til. Kvenfélögin í sveitinni og út á Flateyri sáu um kaffið og það var sannarlega, kvenfélagsveitingar á hverjum diski.

Við sjáum eftir Stínu, Hún var prestur í Holti í átta ár og kom hér í júlí 1998. Það hefur sannarlega verið gaman að vinna með henni að kirkjumálum. Enda voru margir sem stóðu upp og héldu ræður sem hrærðu upp í tárakirtlunum okkar. En þau fara nú ekkert langt á Blöndós og eiga eftir að koma til okkar og heilsa upp á okkur.

Hluti af starfi Stínu er að sinna sjúkrahúsinu á Ísafirði, það hefur hún sannarlega gert að miklum heilindum og eru það áfáir sem hún heimsótt og veit ég að það er margur eldriborgarinn á Hlíf og sjúkrahúsinu sem sjá eftir henni.  Takk fyrir allt Stína og Oli og gangi ykkur sem best í Húnavatnssýslunum og í þeim verkefnum sem þið takið ykkur fyrir hendur.

Athugasemdir

[Helga Dóra (IP-tala skráð) 11.9.2008 kl. 10:56]

Sunnudagurinn 7. september var sannarlega góður dagur í Holti og tókst vel.

Við sannarlega erum þakklát fyrir að hafa fengið að hafa Stínu og Óla hjá okkur sl. átta ár og kveðjum þau með miklum söknuði.