Nú blámar yfir berjamó

Nú er tími aðfanga. Held að allir ættu að fara upp í lautir og hlíð og verða sér út um ber. Nóg er af þeim hér á Vestfjörðum allavega. Þessi dásamlegu ber eru full næringarefna og Því bráðholl og ég tali nú ekki um góð.

Mamma er stödd út á Sandi og lætur hvorki aldur né aðstæður hindra sig í að bjarga verðmætum. Hún fór upp í hlíð fyrir ofan bæinn og kom með rúm fimm kíló af berjum. Ég ætla að kíkja í ber um helgina. Hvað sem ég geri við þau, safta, sulta, frysti. Endalausir möguleikar.

 

Athugasemdir

[Anna Sigga, 8.8.2008 kl. 12:24]

Ohh ég væri svo til í að komast Vestur í berjamó, þvílíkt magn sem er af berjum þarna :)

Bið að heilsa í móana Halla mín

[Halla Signý Kristjánsdóttir, 8.8.2008 kl. 15:42]

já þú mátt alveg koma og týna við bústaðinn minn, þú stóðst aldrei við að koma í heimsókn  meðan þú varst hérna nú bætir þú bara úr því

[Ylfa Mist Helgadóttir, 8.8.2008 kl. 17:03]

Má ég líka tína við bústaðinn þinn? Hvar sem hann nú er??

[Halla Signý Kristjánsdóttir, 11.8.2008 kl. 10:04]

Ylfa mín alltaf velkomin,,, hann er sko ekki einhvarstaðar heldur í landi Traðar í Önundarfirði en við verðum að biðja Helgu systir um hvort við megum týna en hún er ferkar stillt kona og leyfir okkur það örugglega enda ertu Önfirðingur.